Ontdek 7 wonderlike Europese lande in die somer — van Parys en Amsterdam, deur die Rhein, die Swartwoud en die Switserse Alpe, tot Liechtenstein en die kultuurstad Salzburg.
Hierdie reis bring saam die hoogtepunte van 'n Europese somer: die romantiek van Parys met 'n Seine-vaart, die kanale van Brugge en Amsterdam, die kaasplase, windmeulens en polders van Nederland, die magtige Rhein, die koekoekhorlosies van die Swartwoud, die asemrowende Jungfrau-vallei en Luzern, die prinsdom Liechtenstein, en die kultuurstad Salzburg. Sewe lande, een onvergeetlike reis.
Vertrek vanaf Johannesburg Internasionale Lughawe na Parys, met aandete aan boord.
Aankoms die oggend in Parys. Verken die stad se pragtige besienswaardighede vanaf 'n boot op die Seine, en ná aandete 'n "Paris by night"-stadstoer.
'n Dag om Parys te verken en inkopies te doen: die Notre Dame, die Arc de Triomphe en meer. Ná aandete na Montmartre, die Eiffeltoring en nog meer. Aandete by die hotel.
Van Parys na Brugge in België vir een nag — aandete op eie stoom in hierdie pragtige Belgiese stad.
Deur België en die Hollandse platteland na Amsterdam, met 'n kanaalvaart deur die stad se kanale en brûe en vrye tyd om te verken. Laatmiddag terug na ons hotel in De Rijp naby Amsterdam, ons tuiste vir twee nagte, vir aandete.
Na Volendam, met 'n besoek aan 'n kaasplaas en 'n fotosessie tussen tradisionele windmeulens. Deur die mooi platteland met sy klein dorpies en polders na Zaanse Schans, en 'n verdere besoek aan Amsterdam, voordat ons laatmiddag terugkeer na ons hotel, De Rijpereilande, vir 'n rustige aand.
Via Keulen na 'n pragtige dorpie langs die magtige Rhein vir een nag, met aandete in die hotel.
Deur die mooi Duitse platteland na die Swartwoud, met 'n besoek aan Heidelberg vir middagete en 'n kort besigtiging, en verder na Triberg — die tuiste van die koekoekhorlosies. Aandete in die hotel.
Oor die Switserse grens by Schaffhausen na 'n pragtige dorpie in die Jungfrau-vallei vir twee nagte. Daar is 'n geleentheid om met die kabelspoor by Engelberg na Mount Titlis op te gaan (opsioneel). Deur die asemrowende Alpe na ons hotel langs die meer.
'n Rustige dag om die omgewing te verken: die Jungfrau-vallei en die Trümmelbach-waterval (opsioneel), 'n pragtige dorpie tussen die Alpe, en 'n kort besoek aan Luzern met sy "Alte Brücke" langs die Vierwaldstättermeer en winkeltjies bekend vir Switserse messe en horlosies. Terug vir aandete.
Deur Switserland en die prinsdom Liechtenstein, met 'n besoek aan die hoofstad Vaduz vir inkopies en iets om te eet of drink. Verder deur die Alpe na die skilderagtige ski-oord Hinterthal in die Saalfelden-vallei vir twee nagte, met 'n smullekker aandete in die hotel.
'n Heerlike besoek aan die kultuurstad Salzburg met al sy pragtige besienswaardighede, en 'n terugreis deur die natuurskone Oostenryk om die omgewing rondom ons hotel te verken — dalk met tyd vir 'n kabelspoor. Aandete in die hotel.
Ons laaste vol dag: na Oberammergau en die Wieskirche, en die Kasteel Linderhof — een van koning Ludwig II se drie kastele. Verder na München vir 'n stadsbesoek, voordat ons na die lughawe vertrek vir die aansluitingsvlug na Johannesburg.
Ons arriveer die middag op die Johannesburgse Internasionale Lughawe.
Wil jy André Rieu sien? Ons bied ook 'n soortgelyke Europese Somertoer mét André Rieu aan (27 Junie–10 Julie 2026), wat 'n plek by sy opelug-konsert in Maastricht insluit.
Prys is per persoon wat 'n dubbel- of twinkamer deel en is gekoppel aan wisselkoers- en vliegtuigkaartjieprysveranderinge.
Bespreking: Met ontvangs van u deposito van R6 000 per persoon en u inskrywingsvorm word u plek bespreek.
Stuur ons 'n boodskap, dan help ons jou met die inskrywingsvorm en die volgende stappe vir hierdie pragtige 7-lande somertoer.
Die toer vertrek 4–17 Julie 2026 — 14 dae deur 7 Europese lande in die somer.
Hierdie toer fokus op die natuurskoon en stede van die 7 lande met ekstra tyd in Nederland. Ons soortgelyke André Rieu-somertoer sluit 'n plek by sy konsert in Maastricht in en vertrek 27 Junie–10 Julie 2026.
'n Deposito van R6 000 per persoon, saam met jou inskrywingsvorm. Sodra ons dit ontvang, is jou plek bespreek.
Die prys is gegrond op 'n gedeelde dubbel- of twinkamer. Die enkelkamer-toeslag is R8 300.
Ons gebruik noodsaaklike koekies om die werf te laat werk, en opsionele koekies om te verstaan hoe die werf gebruik word. Lees ons Koekiebeleid.