Alles wat jy wil weet

Ons vlieg hoofsaaklik met Air France en Emirates — na ons mening van die beste lugrederye tussen Suid-Afrika en Europa.

Lughawebelasting (wat ook 'n brandstofheffing insluit) word in Amerikaanse dollar bereken. Dit hang dus af van die olieprys en wisselkoers en wissel van dag tot dag. Belangrik: dit is reeds by jou toerprys ingesluit, soos op die inskrywingsvorm aangedui — ons betaal dit met die aankoop van die vliegkaartjies.

Ons gee jou breedvoerig raad oor reisigerstjeks, kredietkaarte, wisselkoerse en belastings, sodat jy goed voorbereid is.

Op grond van wetgewing deur die Europese Unie mag ons nie meer namens jou vir visums aansoek doen nie. Ons gee jou egter volledige voorligting met die invul van die aansoekvorms en voorsien al die nodige dokumentasie en inligting vir jou aansoek.

Jy kan dit gewoonlik goedkoper self reël as wat ons dit kan kry, maar ons bespreek dit soms vir jou. Met Emirates kan ons soms direkte vlugte vanaf Kaapstad en Durban kry.

Die toerprys word bepaal deur die prys van die vliegkaartjie en die wisselkoers van die Rand teenoor die Euro. Solank die Euro binne die grense verhandel wat by elke toer aangedui word, bly die toerprys onveranderd. Buite hierdie grense word die prys met ongeveer R100 per 10 sent verandering in die wisselkoers aangepas.

Ons hou ons oorhoofse koste en winsgrens so laag as moontlik, skakel die middelman so ver moontlik uit en beding self vir die beste pryse. Ons leuse bly: "Bekostigbare, kwaliteit Europese toere!"

Meer as 20 jaar.

Ons is 'n Afrikaanssprekende organisasie — die voertaal op die toer is Afrikaans en jou toergids praat Afrikaans. Ons ontmoet jou in Johannesburg, en jy is onder die sorg van jou toergids van Johannesburg tot weer terug in Johannesburg; geen ekstra koste vir hotelle voor of na die toer nie. Ons sorg dat jy elke dag twee etes kry, en persoonlike diens is ons strewe. Ons sien onsself as die klein winkeltjie op die platteland waar jy die eienaar op sy naam ken.

Ons maak seker dat almal aan boord is voordat die bus vertrek. Jy kry ook 'n kaartjie met elke hotel se naam, adres en telefoonnommer.

Fooitjies vir kelners is opsioneel, maar dit is gebruiklik om ten minste 10% van jou rekening te gee. Vir die busbestuurder is daar 'n eenmalige fooitjie van ongeveer €20 per persoon.

As jy gesond is en in staat is om so twee tot drie kilometer te stap en self vir jou tas (wat nie te swaar mag wees nie) te sorg, kan jy saamkom. Daar was al gesonde, fikse persone van 70 en ouer saam met ons. Persone ouer as 75 moet verkieslik vergesel word van 'n jonger kamermaat wat na hulle kan omsien.

Ons gebruik deurgaans hotelle van 'n baie goeie standaard. In die stede gewoonlik driester (of beter) hotelle, en op die platteland familiehotelle wat ons al vir jare ken. Alle kamers het 'n eie badkamer met minstens 'n stort, wasbak en toilet. Van die hotelle het ook 'n balkon, televisie, yskaskroegie of haardroër.

Aandetes is altyd 'n driegang-ete met 'n voorgereg, hoofgereg en nagereg. Ontbyt is in die meeste gevalle 'n Europese buffet met graankos, 'n verskeidenheid brood, kaas, konfyt, koue vleis en koffie of tee — soms ook gekookte of roereiers met spek. Drankies is opsioneel vir jou eie sak.