Ontdek Japan se geskiedenis, kultuur en unieke landskappe — van Tokio se neonligte tot die stil tempels van Kyoto, in die "Cherry Blossoms"-tyd.
Hierdie reis vat jou van die bruisende strate van Tokio na die antieke tempels van Kyoto, verby die ikoniese Mount Fuji, deur die heilige hertepark van Nara, en tot by die ontroerende Vredespark in Hiroshima. 'n Perfekte mengsel van tradisie, tegnologie en natuurskoon — alles in 'n begeleide groep met 'n gids.
Vertrek vanaf Johannesburg Internasionale Lughawe na Tokio, met aandete aan boord. Japan is 'n land van ongelooflike tradisie én tegnologie, en die avontuur begin reeds wanneer jy in die vliegtuig stap.
Aankoms by Narita-lughawe en verwelkoming deur die gids. Ons vertrek na Yokohama vir 2 nagte — bekend vir sy moderne waterfront, rustige parke en 'n wonderlike balans tussen tradisie en kosmopolitaanse lewe.
'n Volledige dag deur Tokio: Shibuya, Shinjuku, Harajuku en Omotesando. Shibuya is beroemd vir sy wêreldbekende kruising en energie, terwyl Harajuku die middelpunt van Japannese popkultuur en unieke mode is.
Senso-ji in Asakusa is een van Tokio se oudste en mees geliefde tempels. Akihabara is die mekka van tegnologie, anime en speletjies, terwyl Ginza bekend is vir luukse winkels en fynproewers-eetplekke.
Ons reis na Hakone vir uitsigte van Mount Fuji. Die Oshino Hakkai-dorpie is gevul met kristalhelder fonteine en tradisionele strooidakhuisies — ideaal vir foto's en 'n rustige Japannese ervaring.
Arashiyama se bamboeswoud is een van die mees gefotografeerde plekke in Japan. Die Goue Tempel skitter teen die water, en Fushimi Inari bied 'n betowerende staproete deur duisende oranje torii-poorte.
Die Todaiji-tempel huisves een van die grootste brons-Boeddhabeelde ter wêreld. Die takbokke in die park word as heilig beskou en beweeg vrylik tussen besoekers rond.
Osaka-kasteel is 'n simbool van die land se feodale geskiedenis. Dotombori se neonligte en eetplekke skep 'n onvergeetlike naglewe-ervaring, en die Umeda Sky Building bied panoramiese uitsigte oor die stad.
'n Volle dag in Hiroshima. Die Vredespark staan as 'n ontroerende herinnering aan die geskiedenis en die hoop vir wêreldvrede. Miyajima-eiland is bekend vir sy asemrowende "drywende" torii-poort en stil heiligdomme.
Ons ry met die Shinkansen (bullet train) terug na Tokio. Die stad bied eindelose moontlikhede vir inkopies, museums en eet-ervarings — 'n unieke kombinasie van tradisie en moderne leefstyl.
Na ontbyt het ons eie tyd tot 12:00 — perfek vir laaste inkopies of 'n rustige wandeling deur buurte soos Shinjuku Gyoen en Ueno Park. Daarna vertrek ons na Narita vir die terugvlug.
Aankoms in Johannesburg met ongelooflike herinneringe aan Japan se skoonheid, kultuur en gasvryheid.
Pryse is per persoon wat 'n dubbel- of twinkamer deel en is gekoppel aan wisselkoers- en vliegtuigkaartjieprysveranderinge. Enkelkamer-toeslag: R4 000 (2026).
Visum: 'n E-visa (teen koste) kan vir hierdie toer gekry word, so dit is nie nodig om na 'n ambassade toe te gaan nie. Ons help jou met die proses.
Bespreking: Met ontvangs van u deposito van R6 000 per persoon en u inskrywingsvorm word u plek bespreek.
Stuur ons 'n boodskap, dan help ons jou met die inskrywingsvorm en die volgende stappe vir die November 2026-vertrek.
'n E-visa (teen koste) kan vir hierdie toer gekry word, so jy hoef nie na 'n ambassade te gaan nie. Ons help jou deur die proses.
'n Deposito van R6 000 per persoon, saam met jou inskrywingsvorm. Sodra ons dit ontvang, is jou plek bespreek.
Ja. Die toerprys is gegrond op 'n gedeelde dubbel- of twinkamer. 'n Enkelkamer-toeslag van R4 000 (2026) geld as jy alleen wil bly.
Ons gebruik noodsaaklike koekies om die werf te laat werk, en opsionele koekies om te verstaan hoe die werf gebruik word. Lees ons Koekiebeleid.