'n Sprokiesagtige vroegsomer-toer deur die hartjie van Oos-Europa — van Praag, Wene en Budapest tot die groen Slovenië, die meer van Bled en die blou kus van Kroasië.
Hierdie reis wei deur die hartjie van Oos-Europa: die torings van Praag, die musiek en paleise van Wene, die brûe van Budapest oor die Donau, die groen heuwels van Slovenië met die droommeer van Bled, en die blou-blou kus en eilande van Kroasië. Sprokiesstede, ryke geskiedenis en asemrowende natuur in een vroegsomer-reis deur Tsjeggië, Oostenryk, Slovakye, Hongarye, Slovenië en Kroasië.
Dit is die normale roete; veranderings kan voorkom weens weer, verkeer of ander onvoorsiene omstandighede.
Vertrek die middag vanaf JNB Internasionaal, met aandete én ontbyt aan boord net voor ons in die Tsjeggiese Republiek land.
Ons kry ons persoonlike luukse lugversorgde bus by die lughawe en vertrek dadelik na Praag. Besoek die Praagse kasteel — waarskynlik met 'n wisseling van die wag — en die St. Vituskatedraal.
'n Volle dag in Praag: die historiese Karelsbrug oor die Moldou, die ou stadsplein, die astronomiese klok, die Wenceslasplein en meer. Die aand 'n eg tradisionele Tsjeggiese folklore-aand met kos, musiek en dans (opsioneel).
Reis deur die Tsjeggiese platteland, met 'n stop by 'n pragtige dorpie onderweg, na Wene in Oostenryk. Besoek die Strauss-monument in die stadspark, met 'n geleentheid om 'n Strauss-konsert by te woon (opsioneel).
Verken Wene: die Weense Operahuis, die St. Stephansplatz en die pragtige somerpaleis van die Habsburgers, Schönbrunn (opsioneel). Oornag weer in Wene.
Vroeg na die pragtige Bratislava in Slovakye, waar ons die mooi stadjie besoek. Daarna deur die Hongaarse platteland na Budapest, hoofstad van Hongarye, vir twee nagte.
'n Stadstoer per bus: die Heldeplein, die kasteelgebied, die Vissersbastion en die Kettingbrug. Vanaand 'n bootvaart met musiek terwyl ons op die Donau deur Budapest vaar.
Ons vertrek vroeg en reis na Slovenië — een van die groenste lande ter wêreld.
Besoek Ljubljana, hoofstad van Slovenië, en die asemrowend mooi Bled met sy blouselblou water. Wat van bietjie toboggan teen die ski-loop af vir die geesdriftiges? Oornag weer net buite Ljubljana.
Besoek die Postojna-grotte — een van die grootste grotnetwerke ter wêreld en 'n moet-ervaring (opsioneel). Daarna na Krk-eiland in Kroasië, ons tuiste vir die volgende drie dae.
Ons verken die eilande in die Kvarner-baai. Swem heerlik in die blou-blou water en kuier rond, of geniet 'n bootvaart na van die ander eilande (opsioneel).
Verken Kroasië se kus verby Rijeka en Opatija na die Istrië-provinsie, met 'n besoek aan prentjiemooi kusdorpies soos Rovinj en Hum.
Vroeg na Plitvice in die middel van Kroasië — een van die natuurwonders ter wêreld met sy 16 mere en watervalle (opsioneel). Ons verwyl 'n paar uur hier voor ons na die hotel vertrek.
Nadat ons opgepak het, reis ons na Zagreb vir die vlug na JNB. Aandete word aan boord geniet met 'n glasie wyn of drankie van jou keuse.
Geniet ontbyt aan boord en land op JNB, stokflou na 'n baie aangename en opwindende toer.
Prys is per persoon wat 'n dubbel- of twinkamer deel en is gekoppel aan wisselkoers- en vliegtuigkaartjieprysveranderinge. Enkelkamer-toeslag word bereken.
Bespreking: Met ontvangs van u deposito van R6 000 per persoon en u inskrywingsvorm word u plek bespreek.
Stuur ons 'n boodskap, dan help ons jou met die inskrywingsvorm en die volgende stappe vir hierdie vroegsomer-reis deur Oos-Europa.
Die vertrek is tentatief 24 Mei–7 Junie 2027. Finale datums en pryse word bevestig en is gekoppel aan wisselkoersveranderinge.
Dit is die normale roete, maar veranderings kan voorkom weens weer, verkeer of ander onvoorsiene omstandighede.
'n Deposito van R6 000 per persoon, saam met jou inskrywingsvorm. Sodra ons dit ontvang, is jou plek bespreek.
Ja. Die prys is gegrond op 'n gedeelde dubbel- of twinkamer. Die enkelkamer-toeslag word bereken — kontak ons vir die bedrag.
Ons gebruik noodsaaklike koekies om die werf te laat werk, en opsionele koekies om te verstaan hoe die werf gebruik word. Lees ons Koekiebeleid.