Ontdek die skoonheid en wonder van Viëtnam, Kambodja en Singapoer op hierdie fantastiese 15-dag toer — van Halongbaai en die Mekong Delta tot Angkor Wat en die liggies van Singapoer.
Hierdie reis neem jou van die berge en baaie van Noord-Viëtnam, deur die ou strate van Hoi An en die welige Mekong Delta, na die antieke tempels van Angkor in Kambodja, en sluit af in die blink, moderne stadstaat Singapoer. 'n Perfekte mengsel van natuur, geskiedenis en stadslewe — alles in 'n begeleide groep met plaaslike gidse.
Vertrek vanaf Johannesburg Internasionale Lughawe na Hanoi, Viëtnam.
Aankoms in Hanoi en rit na die hotel, waar 'n plaaslike gids alles oor Viëtnam en die toer verduidelik. Vrye tyd om te verken.
Verken die antieke hoofstad Hoa Lu in die Ninh Binh-provinsie. Bewonder die tempels van Koning Dinh en Koning Le (17de eeu), besoek Trang An met sy wonderlike tonnelgrotstelsels, en ervaar die skoonheid van die Viëtnamese platteland.
Reis na die juweel van die noorde — Halongbaai — deur die pragtige berge van die Rooirivierdelta. Klim aan boord vir 'n vaart tussen die kalksteenkarste, besoek 'n grot vol stalaktiete en stalagmiete, en swem in 'n versteekte grot. Oornag aan boord.
Geniet die oggend om te swem en te ontspan in die fassinerende baai. Na 'n laat ontbyt aan boord ry ons na die lughawe vir die binnelandse vlug na Danang, met aandete in 'n restaurant in Danang.
Besoek die Coconut Jungle en 'n volledige stadstoer van die ou stad Hoi An — die Phuc Kien Chinese Vergaderingsaal, die Tradisionele Uitvoerende Kunstehuis, die Japannese brug en Hoi An se bekende handwerkwinkels.
'n Skilderagtige kabelkarrit na Ba Na Hills. Besoek die Franse Dorp met sy lewendige straatmusiek en kunsvlyt, en neem die Lawa-trein na die Fantasiepark met al sy opwindende besienswaardighede.
Vlug na Ho Chi Minh — Viëtnam se grootste stad. Nadat die plaaslike gids ons oor hierdie lewendige stad ingelig het, is die res van die dag vry.
Ry deur welige groen ryslande na die dorpie My Tho en vaar langs die Mekongrivier. Besoek Unicorn-eiland se klapperlekkergoedwerkswinkel, geniet 'n roeiboot-rit, proe tropiese vrugte met tradisionele Suid-Viëtnamese musiek, besoek 'n byeplaas, en stop by die Vinh Trang-pagode op pad terug.
Vrye tyd, dan oordrag na die lughawe vir die vlug na Siem Reap, Kambodja. Ons gids ontmoet jou en vervoer jou na die hotel. Oornag in Siem Reap.
'n Voldag-avontuur deur die antieke wonders van Angkor. Begin by die Angkor Thom-kompleks met die boeiende Bayon-tempel en die ikoniese Ta Prohm ("Tomb Raider"-tempel), gaan voort na die magtige Angkor Wat — die grootste godsdienstige monument ter wêreld — en sluit af met 'n sonsondergang vanaf Phnom Bakheng.
Reis deur die platteland — verby dorpe, rysvelde en mango- en kasjoeplase — na die heilige berg Mahendraparvata en die Kulen Nasionale Park. Besoek 'n pragtige waterval, die Rivier van 'n Duisend Lingas wat in die rivierbedding uitgekerf is, en stap op na die grootste lêende Boeddhabeeld, met wye uitsigte oor die oerwoud.
Vrye tyd, dan vlug na Singapoer. 'n Laatmiddag-toer van die waterfront-promenade met die Merlion en Marina Bay Sands. Aandete op Sentosa-eiland, en 'n aandbesigtiging van Singapoer met al sy liggies.
'n Heeldag-stadstoer: die gewilde Gardens by the Bay, die Botaniese Tuine, die Cloud Forest, Chinatown, Haji-laan, die Blomkoepel, Little India en Sentosa-eiland (kabelkar, strande en akwarium — opsioneel). Daar is ook tyd vir inkopies voor die laataand-vlug terug.
Ons arriveer terug in Johannesburg vanaf Singapoer, met onvergeetlike herinneringe.
Prys is per persoon wat 'n dubbel- of twinkamer deel en is gekoppel aan wisselkoers- en vliegtuigkaartjieprysveranderinge. Enkelkamer-toeslag: ongeveer R10 000.
Visum: Die E-visum vir Viëtnam en Kambodja is reeds by die toerprys ingesluit. Kontak ons gerus oor enige verdere visum-vrae.
Bespreking: Met ontvangs van u deposito van R6 000 per persoon en u inskrywingsvorm word u plek bespreek.
Stuur ons 'n boodskap, dan help ons jou met die inskrywingsvorm en die volgende stappe vir hierdie 15-dag avontuur.
Die E-visum vir Viëtnam en Kambodja is reeds by die toerprys ingesluit. Ons help jou met die proses — kontak ons gerus oor enige verdere visum-vrae.
'n Deposito van R6 000 per persoon, saam met jou inskrywingsvorm. Sodra ons dit ontvang, is jou plek bespreek.
Ja. Die toerprys is gegrond op 'n gedeelde dubbel- of twinkamer. 'n Enkelkamer-toeslag van ongeveer R10 000 geld as jy alleen wil bly.
Die vertrek is tentatief 1–15 Maart 2027. Finale datums en pryse word bevestig en is gekoppel aan wisselkoers- en vliegkaartjieprysveranderinge.
Ons gebruik noodsaaklike koekies om die werf te laat werk, en opsionele koekies om te verstaan hoe die werf gebruik word. Lees ons Koekiebeleid.